5. Juni 21 - Masters-Turnier in Luzern 🤩

S erste Roundnet Mastersturnier im 2021 hät in Luzern stattgfunde - und was für es Turnier das für ZÜÜÜÜRIIIIIIII worde isch, chönder da im Protokoll naläse 🤩.


08.10 Uhr: En grosse Teil vode RCZ Delegation trifft sich bereits am Züri HB im RCZ Express Richtig Luzern. D Stimmig im Zug isch trotz früehem Morge sehr guet - debattiert wird über die neuste Serves, Covid-Impfige und über d Schwizer Musikszene. Und natürli über s bevorstehende Turnier!


09.15 Uhr: De RCZ trifft uf de Allmend in Luzern ihh 🤩. Anstatt am Präsident Raul helfet eusi Spieler lieber de Schwitzermeister us Bern s Zelt ufstelle. Heieiei mir müend au Schwizermeister wärde!


10.00 Uhr: Apfiff! Eusi Mannschafte bestrittet die erste Spil vom Tag und startet is grosse Turnier. Da en Überblick über eusi zwei heldehafte Löwinne-Teams und eusi vier coole Löwe-Teams wo am Start gsi sind:


Die Bekväme: Alles andere als bequem sind Noemi und Annina für ihri Gegnerinne gsi. Gueti Ballwechsel und Teamzemmehalt händ sie uf de Rang 6. katapultiert 🤩. Da hät sich s viele Training meh als glohnt!


Ihr sind nett – Mir roundnetter: Mit de Lisa und de Deborah sind eusi zwei nettistä Löwinne is Renne gstartet. Sie sind so nett gsi wie ihre Teamname und händ extra lieb gspilt und nöd scharf gschosse. Womer ihne gseit händ sie sölled doch voll spiele isch Spiel um Spiel gwunne worde, sodass am Schluss dochna uf Rang 8. cho sind - Gratuliere!! 🙌👏👏


Easy Drbiisii: Wuaahhh sind die zwei heiss gsi uf das Turnier - nur ums drbiisii ischs dene sicher nöd gange. Super Teamperformance und Ballwechsel vom Tobi und em Luc - en Traum gsi! 🎉Im Viertelfinal werdets leider durch de späteri Turniersieger RCB drü gstoppt. Revanche: folgt😜

Natürli gwünnets nacher aber wieder d Spil sodass am Schluss de Rang 7. resultiert - Hammer!


Rahmstopper: Leider wird de Name dene zwei Herre na um Verhängnis. Aber zerst s positive: Die erste beide Spil gwünnets souverän, come ooooonnnnn🤩. Doch ebe, wies de Name scho seit stoppt sich de Rahm selber und verletzt sis Chnü im dritte Spiel, sodass s Turnier für ihn bereits fertig isch. Bitter, oberbitter, wahnsinnsbitter - au für sin sehr guet spielende Teampartner Julian. Schlussrang 11.


RCZ Bounty Hunter: Huuuuchhh, eusi Favorite vom Turnier gsi. Leider fallt de Fede churzfristig us, wird aber sehr würdig durch de Franco ersetzt. Zämme spilt er mit eusem beste Löwe, am Maciek. 🤩 Die beide harmoniered derart guet, dass alli Spiel gwünnet - usser: siehe unten 😜. Schlussrang der beiden Helden: 5. Rang


RCZ Flätter Wätter: Puuuchh, s isch ordentli Flätter Wätter gsi. Gegner um Gegner flätteret de Andi und euse El Presidente Raul wäg. Problem ide Rippe-Region machet sich bim Raul bemerkbar, s stoppt ihn aber nöd zemme mitm Andi s wahnsinnig knappe Viertelfinal geg d RCZ Bounty Hunter gwünne. Im Halbfinal!!! erst weded die beide vode Schwizermeister us Bern gstoppt. Schlussrang 4. 🤩🤩🤩


18.00 Uhr: Es Turnier voller Emotione ghat z End. Es isch viel glacht und gspiket worde - en super Samstig für ZÜÜÜÜRIIIII. Mir gratuliered alle Siegerteams - Respekt für euri super Leistig! Ebefalls en grosse dank an RC Luzern für die super Organisation - es isch perfekt gsi. 🤩


Mir freued eus jetzt uf s nächste Turnier in Schaffhuse - läääckk sind mir scho ready 🤩.



Recent Posts

See All

Ab geht's in die Halle 🥶/ Schutzkonzept

Jeah! Heute starten wir offiziell in die Hallen-Wintersaison. Wir trainieren auch diesen Winter mit einem Schutzkonzept, um einen wirkungsvollen Beitrag gegen die anhaltende Corona-Pandemie zu leisten

Resultate vom ersten RCZ Turnier ✨

Am 25.9.21 war es soweit: Das erste offizielle RCZ Turnier fand auf der Sportanlage Gries in Volketswil statt. Hier kommen die Resultate, wir gratulieren: Kategorie Woman: 👩 1. Bembelmaschine (RC Fra